شيرين عبد الوهاب تردّ على تصريحات طليقها حسام حبيب
علّقت الفنانة شيرين عبد الوهاب على تصريحات طليقها الفنان حسام حبيب، والتي هدّدها فيها بحبسها بعد اتّهامها له بأنه سرق منها مبلغ 200 ألف دولار.
صورة نشرتها الفنانة شيرين عبد الوهاب على صفحتها الانستغرام -تصوير: بدون كرديت
وقالت شيرين: "بطّل بقى عشان شكلك بقى وحش، الناس بتحبني عشان مكتوب في ورقة جوازي إن مهري 60 قرش، أنا طمّاعة إزاي؟، أنت دلوقتي اللي بتاكل في لحم الست اللي كانت مراتك، بس ببلاش، أعرف ربّنا الأول وبعدين اتكلّم عليه، أنا متهمتوش إنه سارق مني خزنة، وأنا بعتاله 200 ألف دولار".
وأضافت: "أما بالنسبة للمستوى اللي بيتكلم عنه إنه متعلّم وقارئ، فأنا بقولّه الناس الشعبية اللي من القلعة هما دول اللي جدعان اللي متربيين وميقبلوش إن مراته تصرف عليه، وبشهادة كل الناس وحتى رضوى الشربيني قالتها، إيه الشغلانة دي عشان نشتغلها، 6 سنوات مبيدفعليش 100 جنيه مصروف. وبالنسبة إنه بيقول أنقذوني منها، مفيش راجل من ضهر راجل يقول كده، مش يوطّي ويبوس الأيادي، ويقول هموت من غيرك، وقال أنا بحبها أكتر من كرامتي، وكل مرة برجع عشان بيصعب عليا وبيعيط وبيركع وبيتنازل".
وأردفت شيرين بالقول: "أنا انتهيت، كان واخدني شمعة منوّرة وعندي شغلي وناجحة، بقالي 6 سنوات مش عارفة أنزّل أغنية من غيرته، وعملتله ستوديو، الحمد لله ربنا فرجها عليا لما سبته وهنزّل أغاني الأسبوع الجاي... كل الناس فاهمة إن اللي بيعمل الشويتين دول هما اللي متعلّمين، ومبيقبلوش إن ست تصرف عليه 6 سنوات، أنا اللي بنت الناس وبنت القلعة وأتشرّف إني منهم، واتكلّم عِدل لما تيجي تتكلم عنهم جزمتهم على دماغي".
وأضافت: "لن ألجأ للقضاء ولن أحبس أحداً، وعايزه الإعلام هو اللي يجيبلي حقي، وأنا خايفة ومش عارفة أعيش حياتي وبستغيث، ما هو لازم أكلّمه وأتواصل معاه، ملكوش دعوة بالخزنة أنا مسامحاه، أنا عايزه حساباتي فين العربية بتاعتي اتباعت بكام؟، والساعات الرولكس اللي اتاخدت جابت كام، ده جزء من حقه بقى اللي هو إيه حقه؟ إنه كان بيمسك إيدي ويطلّعني على المسرح؟!".
وأوضحت: "حسام حبيب أخد مني 10 ملايين جنيه مقابل إنه يمسك إيدي ويطلّعني المسرح، ويركب طيارات خاصة ويتخانق فيها، أنا كل شوية بتعاير بالفلوس دي، أنا عايز الفلوس لا مش عايزها، كلّمني وقالّي مش عايز الفلوس دي وهرجع الاستوديو، طب خدتها ليه واتعملّك شيكات بيها ليه؟ عشان أنت بتعاير وبتقول كلام أنا بس اللي أعرفه ولكن الناس مش عرفاه، المحاسب عنده ما يثبت إن له 600 ألف دولار و3 ملايين جنيه عشان كده اتقال الرقم كله بالمصري".
صورة نشرتها الفنانة شيرين عبد الوهاب على صفحتها الانستغرام -تصوير: بدون كرديت
من هنا وهناك
-
ياسمين عبد العزيز: عشت ضغوط الشهرة منذ طفولتي والنجومية شيء صعب
-
بشرى تكشف حقيقة ارتباطها خلال العام الجديد
-
محامي شيرين عبد الوهاب يردّ على تقارير إفلاسها ومنعها من رؤية ابنتيها
-
بشرى تكشف أسباب غيابها عن الأعمال الفنية وأسرار انفصالها عن زوجها
-
منى زكي: قدّمت أفضل أداء في ‘الست‘... وأحمد حلمي دعمني لأقصى حد
-
ياسمين عبد العزيز تكشف الدروس المستفادة من تجاربها في الحياة
-
محامي شيرين عبد الوهاب يوضح سبب خسارتها قضيتها الجديدة
-
أسرة عبد الحليم حافظ تتخذ قراراً جديداً بعد مشاهدة فيلم ‘الست‘ لمنى زكي
-
ريهام عبد الغفور تكشف الصدفة التي غيّرت حياتها
-
منى زكي تبدأ جولتها الخليجية لعرض فيلم ‘الست‘ من السعودية
إعلانات
إعلانات
أرسل خبرا