ميّ عمر تواصل كشف أسرارها الفنية والشخصية
27-03-2024 19:31:36
اخر تحديث: 28-03-2024 08:40:00
واصلت الفنانة مي عمر الكشف عن أسرارها الفنية والشخصية خلال الجزء الثاني من برنامج "أسرار" الذي تقدّمه الإعلامية أميرة بدر على قناة "النهار"، حيث صرّحت بما يأتي:
صورة نشرتها الفنانة مي عمر على صفحتها الفيسبوك -تصوير: Photographer @mohamed_ramadan_photography
- "بحب أجيب ملابس براند كتير ومحمد بيحب يشتريلي وأنا اللي بمنعه وبلاش أفورة، المفروض الراجل الطبيعي يكون جنب مراته طول الوقت، ورغم ده مبحبش إنه يجيبلي حاجات غالية".
- "مش حاطة الحسد في دماغي رغم إني عارفة إنه موجود في القرآن لكن مبحبش أرمي كل حاجة على الحسد وإحنا اللي عاملين حاجة غلط، وبرة الناس بتعمل حاجات وبتنزل على السوشيال ميديا ومبتتحسدش اشمعنى يعني".
- "بحب نيللي كريم أوي وكاملة أبو ذكري خطيرة وأعمالها مميزة وتدخل القلب جداً ومحمد لو اتحطّ في مقارنة مع أي مخرج أكيد هختاره".
- "حاجتين مبمسكش نفسي قدامهم التين الشوكي والقصب، وممكن بطني توجعني من كتر أكلهم، ودوري في "نعمة" تخنت عشانه لأنها ست طبيعية وبتشتغل وبتحب الأكل وتخنت حوالي ٧ كيلو، وكنت مبسوطة بده".
- ""نعمة الأفوكاتو" اتصوّر في أماكن حقيقية مش ديكور حتى المقابر، وأنا عندي فوبيا من الأماكن الضيقة والضلمة، فقالوا هنعمل تيست وهتنزلي، فأول ما نزلت خوفت جداً وخبطت جامد ومحمد عرض عليا ينزل معايا بس أنا خفت كتير ساعتها".
- "مزعلتش من أستاذ محمود حميدة في فيلم "هارلي" وبحبه جداً، ومبسوطة إني اشتغلت معاه واتعرفت عليه، وأنا ماضية الفيلم من زمان ومتفقة على اسمي يتحط فين، لكن مشكلته مش معايا، والشغل معاه يكبّر، واتفاقه كان حاجة تانية خالص مع جهة الإنتاج".
- "فيلم "هارلي" بتاع محمد رمضان وطبيعي اسمه يتحط الأول، وكان لازم يحصل اتفاق ويوصلوا لحل يرضي كل الأطراف".
- "بغضب لما أحس بظلم، ولما أتصدم في ناس كنت فاكرة إنهم كويسين وألاقي العكس، وفي فترة من الفترات كان في حياتنا أزمة معروفة لكن عرفتنا الناس من حوالينا، وناس طلعت تهاجم عشان تطلع تريند، ومنهم كانوا صحابنا لكن اتصدمت فيهم".
- "لما والدي تعب كانت فترة وعدّت وهو كويس الحمدلله واضطرينا نسافر وقعدنا فترة طويلة برة والموضوع كان خطر ومجهد نفسياً".
- "والدي بيحب الفن وبيحترمه وبيشجعني جداً، وحماتي من أكتر الناس اللي بتشجّعني برضو، ولو فيه مشكلة بينّا بتقف معايا أنا مش مع ابنها".
- "استغربت لما سمعت كلام أستاذة فريدة سيف النصر عن مسلسل "رانيا وسكينة"، وهي فنانة مهمة جداً، وأنا وروبي صحاب جداً، ومفيش مرة اختلفنا في وجهات النظر، ولما المسلسل خلص زعلنا عشان مش هنشوف بعض كتير تاني، ومعرفش إزاي فريدة سيف النصر قالت كده".
- "كارثة إن يبقى في واحدة على علاقة مع واحد متجوز، وأنا عملت الشخصية دي في مسلسل "علاقة مشروعة" ومكنتش حبّاها واتردّدت في تقديمها، وبكره الشخصية دي جداً في الحقيقة، وبدأت أحاول أبقى هي عشان أحبّها وأعرف هي شايفة نفسها إزاي، ووجهة نظرها إنها بتشوف نفسها مش غلطانة، وإن إيه المشكلة ما هي بتحبّه وسايباه مع مراته عادي".
- "أنا بشوف إن مفروض راجل متجوز خط أحمر، واللي مش مبسوط في حياته يطلّق ومفيش حاجة اسمها عشان الأولاد والرجل اللي بيعمل كده بيكذب وبيضحك على نفسه وعلى اللي معاه، واللي مش مبسوط ينفصل، ويدخل في علاقة جديدة بعدها، لكن يبقوا مع بعض غلط عشان أنت بتظلم الاتنين الأولى والتانية".
صورة نشرتها الفنانة مي عمر على صفحتها الفيسبوك -تصوير: Photographer @mohamed_ramadan_photography
من هنا وهناك
-
مايان السيد تتحدث عن مفاجأتها مع ويجز وموقفها من المشاركة في موسم رمضان
-
نرمين الفقي: غيّرت جلدي في رمضان المقبل وأحضّر مفاجأة للجمهور
-
لقاء الخميسي برسالة جديدة بعد أزمة طلاق زوجها
-
تردّد اسم زينة كمنقذة لشيرين عبد الوهاب... وهي تلتزم الصمت
-
الفنانة درة تكشف للمرة الأولى حملها وإجهاضها مرتين
-
أشرف زكي يعلن رفض شيرين عبد الوهاب الظهور العلني وعمرو أديب يستغيث لإنقاذها
-
زغرودة مدوية... آيتن عامر تحتفل بفوز منتخب مصر
-
إلهام شاهين تكشف مصير فيلم ‘الحب كله‘ بعد حرق الديكورات
-
ريم البارودي تتخذ إجراءات قانونية بعد حضورها حفل محمد رمضان
-
أشرف زكي يعلن رفض شيرين عبد الوهاب الظهور العلني وعمرو أديب يستغيث لإنقاذها
إعلانات
إعلانات
أرسل خبرا