صور نشرتها الفنانة على صفحتها الانستغرام - تصوير:بدون كريدت

وطلاب معهد الفنون المسرحية، ووعد نقيب المهن التمثيلية د.أشرف زكي، بالتحقيق وأكد أن ما حدث من إساءة لن يمر بدون عقاب.

الأزمة بدأت بمنشور للفنان محمد علي رزق تضمن عرضاً لمشهد في الحلقة الثامنة من مسلسل "ليه لأ"، وقال عبر حسابه الخاص: "بتفرج على مسلسل ليه لأ الجزء التالت.. ومنكرش حبي الشديد لمسلسل "ليه لأ" من الجزء الأول علشان بيناقشوا قضايا مهمة وبشكل مختلف وفكل مره قدروا يلمسوا الناس، وفي الجزء الأخير بيناقشوا قضية مهمة جداً ومنتشرة بنسبة كبيرة أوي في مجتمعنا الشرقي، بس شوفت مشهد عزومة في حلقة ٨ وفجأة في آخر المشهد إتنين ممثلات لطاف جداً بيتناقشوا عن أقسام المسرح في كليات الآداب" .

وتوقف رزق أمام جملة من المفترض أنها صادرة عن أستاذة جامعية في قسم المسرح وتقول: هو إحنا مش بنعلم تمثيل أوي يعني.. أكاديمية الفنون هي بتاعت التمثيل إللي بجد، وتابع: طبعاً أكاديمية الفنون البيت الكبير والصرح إللي طول عمره مليان أساتذة كبار و طلع أجيال كتير مهمة، تصحيح للأساتذة إللي كتبوا المسلسل لا يا فندم قسم آداب مسرح بيعلم تمثيل بجد.. وفيه نجوم خريجين قسم آداب مسرح زي فتحي عبد الوهاب وسامح حسين وأحمد فتحي وياسر الطوبجي وغيرهم كتير أوووي وفيه دكاترة محترمة بتعلم التمثيل إللي بجد.

وواصل محمد علي رزق حديثه: وأنا بتشرف أني خريج كلية الآداب قسم علوم المسرح، كنت أتمنى مناقشة المشاكل إللي بتقابلها أقسام المسرح في أغلب الجامعات زي النظر لينا نظره إيه الهبل ده وإن كل أقسام كلية الآداب شايفين إننا عيال هايفه علشان بندرس فن ويقعدوا يتريقوا لعدم فهمهم قيمة الفن إللي كنا بندرسه.

أضاف محمد علي رزق: حضراتكم عارفين هيكون إيه شعور طالب في آداب المسرح بيتفرج على الحلقة مع أهله؟ تفتكروا نظرة أهله ليه إيه غير إنه بيضيع وقته، الطالب نفسه المفروض يروح يكمل دراسه في قسم بيعلم فن أهل الفن بيقوله عليه كده؟ الأقسام التانية إللي بتقلل من قسم مسرح أصلاً لما يشوفوا مشهد زي ده المفروض يتعاملوا إزاي مع القسم وطلابه وأساتذتة؟!

وبعد دقائق تحول حساب محمد علي رزق لسجل يرصد اعتراضات أساتذة وطلاب أقسام المسرح بكليات الآداب، مع تفعيل هاشتاق يطالب صناع مسلسل "ليه لأ 3" بتقديم اعتذار رسمي، وتم إدراج تصريح منسوب لنقيب المهن التمثيلية والرئيس السابق لأكاديمية الفنون أشرف زكي، وعد فيه بالتحقيق فيما حدث وأكد أن ما فعله صناع المسلسل لن يمر بدون عقاب.

يذكر أن مسلسل "ليه لأ 3" من بطولة، نيللي كريم، أحمد طارق، عايدة رياض، نادين، معتز هشام، وآخرين، والعمل من تأليف ورشة سرد لمريم نعوم وفكرة سارة الطوبجي وإخراج نادين خان، والمسلسل مكون من 15 حلقة.

 صور نشرتها الفنانة على صفحتها الانستغرام - تصوير:بدون كريدت

 صور نشرتها الفنانة على صفحتها الانستغرام - تصوير:بدون كريدت

panet@panet.co.ilاستعمال المضامين بموجب بند 27 أ لقانون الحقوق الأدبية لسنة 2007، يرجى ارسال ملاحظات لـ